უკრაინის დამოუკიდებლობის 30-ე წლისთავთან დაკავშირებით, პრეზიდენტმა ვოლოდიმირ ზელენსკიმ, დღეს, ქართველი სახალხო არტისტი, ვახტანგ (ბუბა) კიკაბიძე იაროსლავ ბრძენის მეხუთე ხარისხის ორდენით დააჯილდოვა.
მომღერლის მენეჯერი, რატი აბზიანიძე “პრაიმტაიმის” მკითხველს ბატონი ვახტანგის ემოციას გადმოსცემს.
რატი აბზიანიძე: – ძალიან გახარებულია. უკრაინა მისთვის ახლო ქვეყანაა. ბევრი მსმენელი და თაყვანისმცემელი ჰყავს აქ.
ფართო მასშტაბიანი ღონისძიება ჩატარდა. რამდენიმე ქვეყნის პრეზიდენტის, შეიარაღებული ძალების დანაყოფების წინ რომ ამხელა საპატივსაცემო ორდენით გაჯილდოვებენ, როგორია, წარმოიდგინეთ.
მაგრამ ყველაზე ამაყი როდის იყო, იცით? ქართული დროშით რომ ჩაიარეს ჩვენმა ჯარისკაცებმა აღლუმზე. აი, ეს იყო მისთვის ყველაზე ემოციური. ამ დროს ყველაზე ამაყი ვიყავიო, თქვა.
