საქართველოში ვაქცინირებულთა რაოდენობამ ნახევარ მილიონს გადააჭარბა, აქტიურად მიმდინარეობს ფეხმძიმეების ვაქცინაციის პროცესიც. მრავალჯერ გაჟღერებული ინფორმაციესბის მიუხედავად, არ წყდება კითხვები ვაქცინაციასა და ორსულობაზე.
ხომ არ არის საშიში, უნდა აიცრას თუ არა მეძუძური დედა, ხომ არ უქმნის საფრთხეს შვილოსნობას ვაქცინა და ა.შ.
ქართველი ექიმები, თითქმის ყოველდღიურ რეჟიმში ამშვიდებენ საზოგადოებას, რომ ვაქცინა გვიცავს.
უფრო მეტიც, ამის მაგალითი არის რუსთავი2-ის თანამშრომელი, რომელიც 9 წელი შვილს ელოდა. „9 წელია შვილს ველოდები და რომ დამეცვა, 17 კვირის ორსულმა ავიცერი“ – დაწერა ქეთა გაბუნიამ.
„ფაიზერის“ ვაქცინით აიცრა პაატა იმნაძის 9 თვის ფეხმძიმე შვილი.
აშშ-ის დაავადებათა კონტროლის და პრევენციის ცენტრის (CDC) თანახმად, ორსულებისთვის კორონავირუსი შეიძლება მძიმე ფორმებში განვითარდეს და გაზარდოს ისეთი უარყოფითი შედეგების რისკი, როგორიც არის ნაადრევი მშობიარობა.
კვლევამ ასევე აჩვენა, რომ mRNA ვაქცინები ორსული და მეძუძური ქალებისთვის ეფექტურია და ვაქცინის სიკეთეები მის რისკებს აღემატება.
იმის გათვალისწინებით, რომ საქართველოში მხოლოდ „ფაიზერია“ ხელმისაწვდომი, ქართველები ფეხმძიმე ქალები სწორედ მასზე აკეთებენ არჩევანს. თუმცა, საინფორმაციო კამპანიის ნაკლებობის გამო ადამიანებს უამრავი კითხვა უჩნდება. მაგალითად: რამდენად უსაფრთხოა ფეხმძიმობის პერიოდში ვაქცინის გაკეთება, რა უნდა ვიცოდეთ ამ პროცესამდე, ლაქტაციის პერიოდში სასურველია თუ არა იმუნიზაციის პროცესში ჩართვა და ა.შ. სწორედ ამ აქტუალურ საკითხზე საუბრობს ჯანდაცვის ექსპერტი გიორგი ფხაკაძე „პრაიმტაიმთან“.
ფხაკაძე ამბობს, რომ ფეხმძიმობის საკითხთან დაკავშირებით მთელი სამედიცინო საზოგადოება და მარეგულირებელი სააგენტოები უკმაცრესები არიან. მისივე თქმით, არ აქვს მნიშვნელობა ეს საკვებია, წამალი, თუ ვაქცინა.
„ყველა არსებული ვაქცინა გადაუდებელი გამოყენებისთვისაა გათვლილი. მათგან ორი ყველაზე დაწინაურებულია: „მოდერნა“ და „ფაიზერი“. კვლევებით, რომლებიც აშშ-სა და დიდ ბრიტანეთში ჩატარდა, დამტკიცდა, რომ ფეხმძიმე ქალებისთვის აღნიშნული ვაქცინები მარტო უსაფრთხო კი არ არის, არამედ აუცილებელიც.
ბრიტანეთის ჯანდაცვის სამინისტრომ 3 აგვისტოს გამოაქვეყნდა კვლევა, სადაც შეერთებულ შტატებიდან 130 000 ქალი იღებდა მონაწილეობას, ბრიტანეთში – 52 000. მასში თითქმის 200 000 ფეხმძიმე იყო ჩართული, რომლებმაც გაიკეთეს ვაქცინა. შედეგი დაუჯერებელია – ამ 200 000 ქალიდან კოვიდი მხოლოდ სამს შეხვდა. ისიც იმიტომ, რომ ვაქცინის მხოლოდ ერთი დოზა ჰქონდათ გაკეთებული. როდესაც ვსაუბრობთ მომავალ თაობაზე, აქ შეცდომის და ცდუნების საშუალება არ არის“.
ორსულობა და ვაქცინა
თუ აპირებთ ოჯახის შექმნას, სჯობს, ვაქცინა გაიკეთოთ. ბიჭები და გოგოები ხშირად მეკითხებიან, ამ შემთხვევაში როგორ მოიქცნენ. ამ დროს ორივე მშობელი დაცული იქნება. თუ დაზუსტებით არ იცით, ხართ თუ არა ფეხმძიმედ, გაიკეთეთ ვაქცინა, ამით თქვენ იქნებით დაცულები.
თუ იცით, რომ ფეხმძიმედ ხართ, სასურველია რომ ვაქცინაციის პროცესში 14 კვირის შემდეგ ჩაერთოთ. თუ დედა არ დაინფიცირდება, შესაბამისად, ბავშვიც უსაფრთხოდ იქნება.
14 კვირის შემდეგ არანაირი შეზღუდვები არ არის. უკუჩვენების შემთხვევაში ზუსტად ის გამოვლინდება, რაც არაფეხმძიმეებში ვლინდება.
ლაქტაცია
ძუძუთი კვება საუკეთესო რამეა, რაც დედამ შეიძლება შვილისთვის გააკეთოს. ეს პროცესი ორ წელიწადს უნდა გაგრძელდეს. ამ მძიმე პანდემიის პერიოდში განსაკუთრებით, საფრთხილოა ბავშვის იმუნური სისტემა, IQ, ინფექციისგან დაცვისთვის დედის რძე საუკეთესო საშუალებაა. ამაზე უკეთესი არანაირი წამალი არ არსებობს.
ლაქტაცია გვეხმარება, რომ ბავშვი გარე სამყაროსგან დავიცვათ.
თუ დედა იქნება უსაფრთხოდ, თუ დედას კოვიდი არ დაემართება, შესაბამისად, არც ბავშვს დაემართება ვირუსი. მაქსიმალურად უნდა იყოს შეზღუდვა და ბავშვი მაქსიმალურად უნდა მოვარიდოთ ყველას, ვინც არ არის ვაქცინირებული. იმ შემთხვევაშიც, თუ ოჯახის წევრები აცრილები არიან, არ ნიშნავს რომ არ დაინფიცირდებიან და სხვას არ გადასდებენ. ბავშვს უნდა შევქმნათ უსაფრთხო გარემო. რადგან დედას აქვს უშუალო შეხება ბავშვთან, დედა უნდა იყოს აცრილი.
ათეულობით ქვეყანაში ჩატარებულმა კვლევამ აჩვენა, რომ არსებობს მეცნიერული მტკიცებულებები, ანალიზები, მკაფიოდ წერია, რომ „ფაიზერი“ და „მოდერნა“ უსაფრთხო ვაქცინებია.
ამავე თემაზე ნახეთ: შეიძლება თუ არა აცრა მენსტრუალური ციკლის დროს – ყველა დეტალი შვილოსნობასა და გავრცელებულ მითებზე
წაიკითხეთ სხვა საინტერესო ამბები ⇓
