თბილისიდან ამსტერდამის მიმართულებით დილის 9 საათზე „ჯორჯიან ეარვეისის“ კუთვნილი თვითმფრინავი აფრინდა. სპეცრეისით ქვეყანაში 180 ადამიანს ჩამოიყვანენ.

„ჯორჯიან ეარვეისის” ბორტის ეკიპაჟის წევრები სპეციალური ეკიპირებით არიან აღჭურვილნი. ამსტერდამიდან რეისი თბილისის საერთაშორისო აეროპორტში 19:30 საათზე დაეშვება.

ყველა მგზავრმა უნდა გაიაროს 14 დღიანი სავალდებულო კარანტინი და კიდევ ერთხელ მინდა აღვნიშნო, რომ ეს არის იდეალური ურთიერთობა ჩვენსა და საგარეო საქმეთა სამინისტროს შორის,“ – აცხადებს „საქართველოს ავიახაზების“ დირექტორი რომან ბოკერია.

ამ დროის მონაცემებით, საქართველოში COVID-19-ით ინფიცირების 110 შემთხვევა დადასტურდა.

• 31 მარტის მდგომარეობით გამოჯანმრთელდა 21 ადამიანი.

• საქართველოში დღეიდან კარანტინის რეჟიმი ამოქმედდა

• გამოცხადდა კომენდანტის საათი

• 28 მარტს გამკაცრდა საკარანტინო რეჟიმი სამეგრელოსა და ზემო სვანეთში.

• 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა

• 21 მარტს, პრეზიდენტმა საქართველოს მთელ ტერიტორიაზე საგანგებო მდგომარეობა გამოაცხადა.

• საქართველოს ყველა მოქალაქე, რომელიც ქვეყანაში შემოვა, საკარანტინო ზონაში მოთავსდება.

• მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა.

• შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.

• შეზღუდვები შეეხო კაფე-ბარებსა და რესტორნებს.

• ნახეთ, რას ნიშნავს საყოველთაო კარანტინი და რა წესები მოქმედებს მისი გამოცხადებისას.