საკოორდინაციო საბჭოს გადაწყვეტილებით, პირბადის ტარება ღია სივრცეშიც სავალდებულო ხდება, ხოლო კანონის დამრღვევი 20 ლარის ოდენობით დაჯარიმდება.
„პრაიმტაიმი“ დაინტერესდა, არის თუ არა სამედიცინო ნიღბების საჭირო მარაგი ჩვენს სააფთიაქო ქსელებში.
„ავერსი“, „პსპ“, „ჯპს“, „ფარმადეპო“, „იმპექსი“ – ეს იმ აფთიაქების ჩამონათვალია, სადაც პირბადეების მარაგის გადამოწმება ვცადეთ. აღმოჩნდა, რომ 3-შრიანი პირბადე, რომელიც როგორც ცნობილია, ყველაზე კარგად გვიცავს, ხელმისაწვდომია და 1 ცალის ღირებულება 40 თეთრს შეადგენს. ასევე, ხელმისაწვდომია რესპირატორი პირბადე, რომელის ღირებულებაც 7-დან 8-ლარამდე მერყეობს.
