ახალი კორონავირუსის ინფექცია ჩინეთის ქალაქ უხანში ამერიკელ სამხედროებს შეიძლება შეეტანათ, – ამის შესახებ ჩინეთის საგარეო საქმეთა სამინისტროს ოფიციალურმა წარმომადგენელმა ჩაო ლიციანმა საკუთარ „ტვიტერზე“ დაწერა.
მან გამოაქვეყნა ვიდეო, რომელზეც აშშ-ის დაავადებათა კონტროლის ცენტრის ხელმძღვანელი რობერტ რედფილდი კონგრესში სიტყვით გამოდის. ვიდეოზე რედფილდი აღიარებს, რომ ზოგიერთ ამერიკელს, რომელიც ეგონათ, რომ გრიპისგან დაიღუპნენ, სიკვდილის შემდეგ კორონავირუსი აღმოუჩინეს.
„როდის გაჩნდა აშშ-ში საწყისი პაციენტი? რამდენი ადამიანია დაინფიცირებული…შეიძლება ამერიკელმა სამხედროებმა შემოიტანეს ეპიდემია უხანში. იყავით გამჭირვალეები! გამოაქვეყნეთ მონაცემები. აშშ-მა ყველაფერი უნდა ახსნას!“, – განაცხადა ოფიციალური პეკინის წარმომადგენელმა.
Some #influenza deaths were actually infected with #COVID-19, Robert Redfield from US #CDC admitted at the House of Representatives. US reported 34 million cases of influenza and 20,000 deaths. Please tell us how many are related to COVID-19? @CDCDirector pic.twitter.com/vYNZRFPWo3
— Lijian Zhao 赵立坚 (@zlj517) March 12, 2020
როგორც South China Morning Post-ი წერს, ჩინოსანს შეიძლება ეგულისხმა მსოფლიოს ბოლო სამხედრო თამაშები, რომელიც უხანში 2019 წლის ოქტომბერში ჩატარდა. მასში მონაწილეობას ამერიკელი სამხედრო მოსამსახურეებიც იღებდნენ.
Bloomberg-ი აღნიშნავს, რომ ამერიკული დაავადებათა კონტროლის ცენტრის ხელმძღვანელის კომენტარის შემდეგ, ჩაო ლიციანმა გამოაქვეყნა GlobalResearch-ის ორი ბმული, რომელიც სხვადასხვა კონსპირაციულ თეორიებს აქვეყნებს.
მანამდე ამერიკის ოფიციალური პირები, მათ შორის აშშ-ის პრეზიდენტი, იყენებდნენ ტერმინს „ჩინური ვირუსი“ და „უხანური ვირუსი“. ჩინეთის საგარეო საქმეთა სამინისტრო წერდა, რომ საბოლოო მიზეზი ვირუსის წარმოშობის შესახებ არ არსებობს.
თებერვალში აშშ-ის სახელმწიფო დეპარტამენტი აცხადებდა, რომ რუსეთთან დაკავშირებული ექაუნთები სოცქსელებში ავრცელებენ დეზინფორმაციას იმის შესახებ, რომ კორონავირუსი ეს არის ბიოლოგიური იარაღი, რომელიც შექმნა CIA-მ და მისი საშუალებით ეკონომიკურ ომს მართავს ჩინეთთან.
