აშშ-ში საქართველოს ელჩის, დავით ბაქრაძის ინფორმაციით, შტატების მასშტაბით კორონავირუსით დაინფიცირებული საქართველოს მოქალაქეების რაოდენობა 10-მდეა.
„ეს არის დაზუსტებული ინფორმაცია, რაც საკონსულოს აქვს. რამდენიმე ელოდება ტესტის პასუხს. დღეს საკონსულო აღრიცხვაზე სულ 10 ათასამდე მოქალაქეა, რაც რა თქმა უნდა, ახლოსაც არ არის რეალურ რიცხვთან.
ამიტომაც ჩვენ ინფორმაციას ღია წყაროებით ვაწვდით ჩვენს მოქალაქეებს“. – ამის შესახებ დავით ბაქრაძემ „ამერიკის ხმასთან“ ინტერვიუში განაცხადა.
მისივე განმარტებით, ამერიკაში მცხოვრები საქართველოს ყველა მოქალაქე საკონსულო აღრიცხვაზე არ დგას რაც კომუნიკაციის პრობლემას ქმნის.
ცნობისთვის, 1-ლი აპრილის მდგომარეობით საქართველოში 117 ინფიცირებულია. გამოჯანმრთელდა 23 პაციენტი.
- 28 მარტს გამკაცრდა საკარანტინო რეჟიმი სამეგრელოსა და ზემო სვანეთში.
- 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა
- 21 მარტს, პრეზიდენტმა საქართველოს მთელს ტერიტორიაზე საგანგებო მდგომარეობა გამოაცხადა.
- საქართველოს ყველა მოქალაქე, რომელიც ქვეყანაში შემოვა, საკარანტინო ზონაში მოთავსდება.
- მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა.
- შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.
- შეზღუდვები შეეხო კაფე-ბარებსა და რესტორნებს.
