აშშ-ში შეიქმნა პეტიცია, რომელიც ლუიზიანას შტატის გუბერნატორს, ჯონ ბელ ედვარდს მოუწოდებს, რომ კონფედერალისტთა ძეგლების ნაცვლად ბრიტნი სპირსის ძეგლები დაიდგას.
პეტიციის ავტორი კესი ტიბოდოა და მან უკვე 49 600-ზე მეტი ხელმოწერის შეგროვება მოახერხა.
Add Your Name: Petition to Replace All of the Confederate Statues in Louisiana with statues of Britney Spears. https://t.co/j0ioI5vRxF
— Britney Fan (@BritneyHiatus) June 10, 2020
პეტიციაში აღწერილია, თუ რატომ იმსახურებს ბრიტნი სპირსი ძეგლის დადგმას მთელ შტატში.
პირველ რიგში, იმიტომ, რომ ლუიზიანა მისი მშობლიური შტატია – ის ქალაქ კენტვუდში გაიზარდა.
„ბრიტნიმ არა მხოლოდ თავისი ნიჭი გვაჩვენა, არამედ დაგვიმტკიცა, რომ აქვს ძალა მენტალურ პრობლემებს გაუმკლავდეს და შემოქმედებით საქმიანობას კიდევ უფრო გაძლიერებული დაუბრუნდეს. ის მილიონობით ადამიანის შთაგონებაა“,- ვკითხულობთ პეტიციაში.
შეგახსენებთ, რომ პოლიციას ქმედებას შეწირული ჯორჯ ფლოიდის გარდაცვალების შემდეგ მსოფლიოს მრავალ კუთხეში საპროტესტო აქციების ფარგლებში იმ ისტორიული ფიგურების ძეგლები ჩამოაგდეს ან მოხსნეს, რომლებიც სხვადასხვა ფორმით რასიზმში არიან დადანაშაულებულები.
