აჭარაში ახალი კორონავირუსისგან კიდევ 2 პაციენტი გამოჯანმრთელდა. აჭარის ჯანმრთელობისა და სოციალური დაცვის სამინისტროს პრესსამსახურის ინფორმაციით, ბათუმის კლინიკა „მედ ალფაში“ რჩება 15 ინფიცირებული.
ამ დრომდე ჩატარებული კვლევებიდან 30 პირის პასუხი კოვიდ-19-ზე უარყოფითია.
ბოლო მონაცემებით, აჭარაში კორონავირუსი 40-მა ადამიანმა დაამარცხა.
7 მაისის მონაცემებით, საქართველოში კორონავირუსით ინფიცირებულთა რიცხვი 615-მდე გაიზარდა.
მათ შორის 9 პაციენტი გარდაიცვალა.
კარანტინის რეჟიმში – 5002, ხოლო სტაციონარში მეთვალყურეობის ქვეშ 485 მოქალაქე იმყოფება.
რაც შეეხება უცხოეთიდან სამკურნალოდ გადმოყვანილ საქართველოს მოქალაქეებს, მათი რაოდენობა 3-ს შეადგენს.
წაიკითხეთ და გაითვალისწინეთ საჭირო რეკომენდაციები:
ავტორი: მარიამ ხითარიშვილი
