კორონავირუსმა ჩინეთი ღრმა ეკონომიკურ კრიზისში ჩააგდო. მსოფლიოს მეორე, უმსხვილესი ეკონომიკა სერიოზულ დანაკარგებს განიცდის, რაც დასტურდება პანდემიის წინასწარი შეფასებებით.

„ჩინეთი დღეს მსოფლიო ეკონომიკის 17% იკავებს და მისი შემცირება, მთელ მსოფლიოზე მოახდენს გავლენას“ – წერს Wall Street Journal-ი.

ჩინეთის ეკონომიკა, 2020 წლის პირველ სამ თვეში, წინა წელთან შედარებით, 6,8%-ით შემცირდა. ამაზე მოწმობს ჩინეთის სტატისტიკური სამსახურის უწყება.

ეს ჩინეთის მშპ-ს ასეთი დაღმასვლის პირველი შემთხვევაა 1992 წლის შემდეგ, როდესაც ჩინეთმა დაიწყო კვარტალური ანგარიშების გამოქვეყნება.

გაზეთი Financial Times-ი, აღნიშნავს, რომ ეს 1970-იანი წლების შემდეგ პირველი შემთხვევაა, როდესაც ჩინეთმა აღიარა მშპ-ს ვარდნა.

ძირითად კაპიტალში ინვესტიციები 16,1%-ით დაეცა. საცალო გაყიდვები მარტში 15.8% -ით შემცირდა,  ხოლო ინდუსტრიული წარმოება 1,1%-ით.

სტატისტიკის სამსახურში აღნიშნავენ, რომ პანდემიას ჩინეთის ეკონომიკაზე მოკლევადიანი გავლენა აქვს და გრძელვადიან პერსპექტივაში, ეს ეკონომიკის ზრდაზე არ იმოქმედებს.

ამავე თემაზე იხილეთ:

ახალი „დიდი დეპრესია?“ – რა ელოდება მსოფლიოს და საქართველოს ეკონომიკას კორონავირუსის გამო;