ირანში ავიაკატასტროფის დროს გარდაცვლილთა შორის 147 ირანელი, 32 კი სხვა ეროვნების მოქალაქეა – ამის შესახებ ინფორმაციას ირანული საინფორმაცია სააგენტო IRNA საგანგებო სიტუაციების სამსახურის ხელმძღვანელზე, პირ ჰოსეინ კულივანდზე დაყრდნობით ავრცელებს.
სააგენტოს ცნობით, შემთხვევის ადგილზე 40-ზე მეტი სამაშველო ბრიგადა მუშაობს და უკვე დასრულებულია ცხედრების გამოყვანის ოპერაცია.
შეგახსენებთ, რომ დღეს გამთენიისას თეირანის მახლობლად უკრაინული სამგზავრო ბოინგი ჩამოვარდა. ავიაკატასტროფის შედეგად, ბორტზე მყოფი ყველა მგზავრი და ეკიპაჟს წევრები დაიღუპნენ.
