ბათუმში, აეროპორტის გზატკეცილზე ავტომობილი ქვეითს დაეჯახა, რომელიც ადგილზე გარდაიცვალა. შემთხვევა ცოტა ხნის წინ მოხდა. ინფორმაციას ajaratv ავრცელებს.
თვითმხილველების ინფორმაციით, ახალგაზრდა მამაკაცი ტროტუარზე იდგა, როდესაც სწრაფად მიმავალი მანქანა დაეჯახა.
მოქალაქეები ყვებიან, რომ სასწრაფო სამედიცინო დახმარების ბრიგადის ექიმებს მამაკაცი გარდაცვლილი დახვდა.
შსს-ს ცნობით, მომხდარზე გამოძიება სსკ-ის 276-ე მუხლის მეექვსე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
