მარნეული-სადახლოს გზაზე, სოფელ წერეთლის მიმდებარედ ავტოსაგზაო შემთხვევა მოხდა. ერთმანეთს BMW-სა და Ford-ის მარკის ავტომობილები შეეჯახნენ.
თვითმხილველების თქმით, ავარიის შედეგად ხუთი ადამიანი დაშავდა, მათ შორის, ერთი მცირეწლოვანია, ერთის მდგომარეობა – მძიმე.
შემთხვევის ადგილზე იმყოფებოდა საპატრულო პოლიცია და სასწრაფო სამედიცინო დახმარების ბრიგადები, შემთხვევის შედეგად დაშავებულები კლინიკაში არიან გადაყვანილები.
მარნეულის “ჯეო-ჰოსპიტალსის“ ინფორმაციით, ერთი პაციენტი თბილისში “ნიუ ჰოსპიტალში“ გადაიყვანეს.
“ჩვენთან დღის პირველ ნახევარში შემოიყვანეს ავარიის შედეგად მძიმედ დაშავებული პაციენტი, დასჭირდა ნეიროქირურგიული ჩარევა და გადავიყვანეთ თბილისში, კლინიკა ნიუ ჰოსპიტალში“, – ამბობენ კლინიკაში.
