აზერბაიჯანი სრული სამხედრო მობილიზაციის აუცილებლობას ვერ ხედავს. ამის შესახებ აზერბაიჯანის მობილიზაციისა და გაწვევის სახელმწიფო სამსახურის განცხადებაშია აღნიშნული.
„სომხეთის შეიარაღებული ძალების მიერ განხორციელებულ პროვოკაციასთან დაკავშირებით, უამრავი ჩვენი მოქალაქისგან მივიღეთ მიმართვა, რომ მათ სურთ იყვნენ მოხალისეები და წინა ხაზზე ბრძოლისთვის მზად არიან. მიუხედავად ამისა, მოქალაქეების სამხედრო სამსახურში გაწვევა ხორციელდება მოქმედი რეგულაციების შესაბამისად“, – აღნიშნულია განცხადებაში.
მთიან ყარაბახში განვითარებული მოვლენების გამო, სომხეთმა საომარი მდგომარეობა და სრული მობილიზაცია გამოაცხადა.
ასევე, იხილეთ სომხეთ-აზერბაიჯანის დაპირისპირების პირველი კადრები.
სომხეთისა და აზერბაიჯანის საზღვარზე ვითარება უკიდურესად დაიძაბა. აზერბაიჯანული მედიის ცნობით, სომხეთის მხრიდან დღეს დილით ფართომასშტაბიანი შეტევა განხორციელდა. შედეგად არის მსხვერპლი.
