არ მჯერა, ვნახავთ მაგასაც. გათენდება და წავალთ შინაგან საქმეთა სამინისტროში, – ასე გამოეხმაურა თამარ ბაჩალიაშვილის მამა შინაგან საქმეთა სამინისტროს განცხადებას, სადაც აღნიშნულია, რომ უწყება მზად არის ითანამშრომლოს ამერიკის საგამოძიებო ბიუროსთან.
ჯუმბერ ბაჩალიაშვილი კვლავ უნდობლობას უცხადებს გამოძიებას და აცხადებს, რომ ხვალ შსს-ში 11 საათზეა დაბარებული.
შეგახსენებთ, რომ თამარ ბაჩალიაშვილის ოჯახმა დღეს აშშ-ს საელჩოსთან აქცია გამართა. ოჯახი მოითხოვდა, რომ ბაჩალიაშვილის საქმეზე გამოძიებაში FBI ჩაერთოს.
