„ქართული ოცნების“ თბილისის მერობის კანდიდატის, კახა კალაძის განცხადებით, გლდანის რაიონში არაერთი საბავშვო ბაგა-ბაღის რეაბილიტაცია განხორციელდა, თუმცა მიზანმიმართულად ვრცელდება მცდარი ინფორმაციები. ამის შესახებ კალაძემ ინტერნეტჩართვისას განაცხადა.
კახა კალაძე სოციალური ქსელის მომხმარებლის შეკითხვას უპასუხა და საბავშვო ბაღებთან დაკავშირებით განმარტება გააკეთა.
„ძალიან ბევრი არასწორი ინფორმაცია ვრცელდება მიზანმიმართულად. მახსოვს ა მიკრორაიონზეც იყო საუბარი, თითქოს იქ ბაღს ვანგრევთ და კორპუსი უნდა აშენდეს. ეს არის ძალიან დიდი ტყუილი. ამ ბაღებთან მიმართებაშიც ვაპირებთ რეაბილიტაციას, განახლებას და ყოველმხრივ მოწესრიგებას. გლდანში ძალიან ბევრი ბაღის რეაბილიტაცია განვახორციელეთ და ადგილობრივი მოსახლეობა ძალიან კმაყოფილია“, – განაცხადა კახა კალაძემ.
ასევე წაიკითხეთ სხვა სიახლეები და სტატიები ⇓
