ესპანეთის ქალაქ ბარსელონაში ქართველი ემიგრანტი ქალი გარდაიცვალა. გარდაცვლილი, თელავის მუნიციპალიტეტის სოფელ აკურის მკვიდრია.
ბარსელონაში მცხოვრები ქართველების ინფორმაციით, 53 წლის ნინო ნაწიფაშვილი, ბოლო პერიოდში, ავთვისებიან სიმსივნეს ებრძოდა.
ის ესპანეთის სამეფოში, ორი წლის განმავლობაში, მეუღლესთან ერთად ცხოვრობდა და იქვე მუშაობდა.
ნინო ნაწიფაშვილის გარდაცვალების შესახებ, ბარსელონაში მყოფმა ქართველებმა, საკონსულოს უკვე აცნობეს.
გარდაცვლილი ემიგრანტი, ახმეტის მუნიციპალიტეტის სოფელ ნადუქნარში, 2019 წლის 12 მარტს, სამსახურებრივი მოვალეობის შესრულების დროს დაღუპული, 34 წლის მეხანძრე-მაშველის სიდედრია.
როდის გადმოასვენებენ ქალის ცხედარს საქართველოში, ჯერ უცნობია.
საგარეო საქმეთა სამინისტროში, ამ ეტაპზე, ემიგრანტის გარდაცვალების დეტალებს არკვევენ.
