ბათუმის ბულვარი Covid-19 ვირუსის გავრცელების პრევენციის მიზნით, აგრძელებს ვიზიტორებში ცნობიერების ამაღლების სოციალურ კამპანიას.
ხმოვანი შეტყობინებების, საინფორმაციო სტიკერების და მოხალისეთა მიერ ნიღბების გავრცელების პარალელურად, ანბანის კოშკთან განთავსდა რეგულაციების ამსახველი ბილბორდი.
საინფორმაციო ბილბორდი კიდევ ერთხელ ახსენებს ვიზიტორებს რეგულაციების დაცვის აუცილებლობის შესახებ.
მხოლოდ რეგულაციების მკაცრი დაცვით გახდება შესაძლებელი ტურისტული სეზონის უსაფრთხოდ დასრულება!
(NS)
