აჭარაში უამინდობამ პრობლემები შქმნა. დატბორილია ბათუმის ქუჩები, წყალმა საცხოვრებელ სახლებსა და მაღაზიებში შეაღწია.
შეფერხებულია მოძრაობა ქალაქის შესასვლელ/გასასვლელთან, სადაც ავტომობილების კოლონა უძრავად დგას.
სოციალურ ქსელში მომხმარებლები წერენ, რომ რამდენიმე საათია საცობში დგანან.
„3 საათია უშედეგოდ ვცდილობ ბათუმიდან გასვლას. ჯერჯერობით ისევ ჩაკეტილია გზა და ვერაფერს ამბობენ როდის გაიხსნება“, – წერს სოციალურ ქსელში ერთ-ერთი მომხმარებელი.
„დროებით არის გზა ჩაკეტილი, რადგან ძალიან წვიმს და მოძრაობა შეუძლებელია, როგორც კი გადაიღებს ნელნელა აღდგება მოძრაობა“, – წერს სოციალურ ქსელში ერთ-ერთი მომხმარებელი.
„დღეს უამიდომის გამო მახინჯაური არის დატბორილი. სავარაუდოდ ხვალისთვის ყველაფერი კარაგად იქნება“, – წერს სოციალურ ქსელში ერთ-ერთი მომხმარებელი.
„ადიდებულია ქუჩებში წყლები და ბევრგან სახლებში შევიდა. სამაშველოებია მობილიზებული“, – წერს სოციალურ ქსელში ერთ-ერთი მომხმარებელი.
„მახინჯაური დაიტბორა და მაგიტომ. ჩვენ გვირაბტთან ვიყავით და მოგვაბრუნეს. ქობულეთში ვართ ახლა, ველოდებით“, – წერს სოციალურ ქსელში ერთ-ერთი მომხმარებელი.
ბოლო დღეების განმავლობაში, უამინდობამ საქართველოს სხვადასხვა რეგიონი დააზარალა.
