ბათუმში წვეულებათა სახლ „აჭარას“ თანამშრომელს კორონავირუსი დაუდასტურდა. ინფიცირებული მიმტანების ხელმძღვანელია, რომელსაც უშუალოდ 8 მიმტანთან ჰქონდა შეხება, რესტორნის 34 თანამშრომელი კი ტესტის პასუხების მოლოდინში თვითიზოლაციაში იმყოფება.
წვეულებათა დარბაზის მფლობელის ცნობით, 6 სექტემბერს 200 კაციანი ქორწილი გაიმართა.
კორონავირუსის შემთხვევების მატების გამო აჭარა 9 სექტემბერს წითელ ზონად გამოცხადდა. დღეს, ბათუმში COVID19 27 ადამიანს დაუდასტურდა, მათ შორის ერთი „ელიტ-ელექტრონიკსის“ თანამშრომელია, ერთი სასწრაფო დახმარების ექიმი, ხოლო დანარჩენი უკვე დადასტურებული შემთხვევების კონტაქტებს წარმოადგენენ.
