პირველი საუნივერსიტეტო კლინიკაში ბოლო 24 საათში ახალი კორონავირუსი კიდევ 5-მა პაციენტმა დაამარცხა. ამის შესახებ ინფორმაცია კლინიკის Facebook-გვერდზე გამოქვეყნდა.
„4 მაისის მონაცემებით თსსუ-ის პირველ საუნივერსიტეტო კლინიკაში სულ მოთავსებულია 87 პაციენტი, აქედან კორონავირუსით ინფიცირებულია 74 პაციენტი.
რეანიმაციის მიმართულებაში მკურნალობას გადის 6 პაციენტი. თერაპიულ მიმართულებაში მოთავსებულია 76 პაციენტი.
ბოლო 24 საათის განმავლობაში გამოჯანმრთელდა 5 პაციენტი“, – აღნიშნულია ინფორმაციაში.
საქართველოში კორონავირუსი 593 ადამიანს დაუდასტურდა, აქედან 223 ადამიანი უკვე გამოჯანმრთელდა. გარდაიცვალა 9 პაციენტი.
