ბოჭორიშვილის სახეობის კლინიკაში კორონავირუსის ახალი შემთხვევა არ დაფიქსირებულა. ამის შესახებ კლინიკის სამეთვალყურეო საბჭოს თავმჯდომარემ, მაკა სოლოღაშვილმა ჟურნალისტებთან საუბრისას განაცხადა.
როგორც მან აღნიშნა, ორი პაციენტია, რომლის მდგომარეობაც საყურადღებოდ მძიმეა.
„ბოჭორიშვილის კლინიკის ბოქსირებულ სექტორში მკურნალობს 14 პაციენტი, აქედან 7 პაციენტს დადასტურებული აქვს ვირუსი.
გუშინ კვლევა ჩაუტარდა 4 პაციენტს, რომელზეც უარყოფითი შედეგი მოვიდა. დღეს ველოდებით 3 პაციენტის პასუხს. ჩვენთან ახალი შემთხვევა არ დაფიქსირებულა.
რაც შეეხება მათ, ვისაც ვირუსი დადასტურებული აქვთ. არსებული პაციენტებიდან 3 პაციენტზე ხვალ უკვე გადამოწმდება მათი გამოჯანმრთელების პროცესები, ახალი ორი პაციენტიდან ერთის მდგომაროება საყურადღებოდ მძიმეა“,- განაცხადა მაკა სოლოღაშვილმა.
ცნობისთვის, 2 აპრილის მონაცემებით ქვეყანაში კორონავირუსის 130 შემთხვევაა დაფიქსირებული.
- 28 მარტს გამკაცრდა საკარანტინო რეჟიმი სამეგრელოსა და ზემო სვანეთში.
- 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა
- 21 მარტს, პრეზიდენტმა საქართველოს მთელს ტერიტორიაზე საგანგებო მდგომარეობა გამოაცხადა.
- საქართველოს ყველა მოქალაქე, რომელიც ქვეყანაში შემოვა, საკარანტინო ზონაში მოთავსდება.
- მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა.
- შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.
- შეზღუდვები შეეხო კაფე-ბარებსა და რესტორნებს.
წაიკითხეთ და გაითვალისწინეთ საჭირო რეკომენდაციები
