დღეს, კოვიდსაწინააღმდეგო ვაქცინის (Pfizer) პირველი დოზით აიცრა ჩემი ხორციელი ბებია, 91 წლის სქემმონაზონი ელენე (გოგიტიძე), – ამის შესახებ მამა იერონიმე სოციალურ ქსელში წერს.
„დედა ელენე გახლავთ ბათუმისა და ლაზეთის ეპარქიის, წმ. იოანე ღვთისმეტყველის სახელობის დედათა მონასტრის წევრი და საქართველოს მართლმადიდებელი ეკლესიის ერთ-ერთი უხუცესი დიდ სქემოსანი მონაზონი. დედა ელენეს რამდენიმე წუთის წინ ვესაუბრე და თავს შესანიშნავად გრძნობს! დიდება უფალს და მადლობა მედიკოსებს ყველაფრისთვის!“, – ვკითხულობთ ბერის პოსტში.
ცნობისთვის, საბერძნეთში მცხოვრები მღვდელმონაზონი კორონავირუსის საწინააღმდეგო ვაქცინით თავადაც აიცრა. „მადლობა უფალს კაცობრიობაზე მეცნიერების მონიჭებისათვის!“ – განაცხადა ბერმა.
ასევე დაგაინტერესებთ ⇓
