სოციალურ ქსელში ვრცელდება შატილში ერთ-ერთი გარდაცვლილის დედის მიმოწერის ასლი, ე.წ. სქრინი, რომელიც ცდილობს შვილებთან დაკავშირებით ინფორმაცია მოიძიოს.
„გამარჯობა, ნანუკა შვილო, რუსთავიდან გწერ. დღეს შატილის ტურის ექსკურსია რომელმა ჯგუფმა მოაწყო ხომ არ იცით?
ჩემი შვილები არიან წასულები და ტელეფონები გათიშული აქვთ, ვერაფერს ვგებულობ, სად შეიძლება იყვნენ?!” – წერს ქალბატონი.
უბედური შემთხვევა შატილში 23 აგვისტოს მოხდა. ტურისტული მიკროავტობუსი 80 მეტრის სიღრმის ხევში გადავარდა. დაიღუპა 17 ადამიანი. 3 მგზავრის მდგომარეობა უკიდურესად მძიმეა.
საქართველოს მთავრობის გადაწყვეტილებით საქართველოში 25 აგვისტო გლოვის დღედ გამოცხადდა.
