დაავადებათა კონტროლსი ეროვნული ცენტრის ხელმძღვანელის მოადგილე, პაატა იმნაძე მოსახლეობას მოუწოდებს, კოროანვირუსისგან დამცავი ფარები აუცილებლად ნიღაბთან ერთად ატარონ. ამის შესახებ მან გამართულ ბრიფინგზე ისაუბრა.
როგორც იმნაძე განამრტავს, სხვა შემთხვევაში მარტო ფარის ტარებას აზრი არ აქვს.
„რამდენადაც ჩემთვის ცნობილია, საქართველოში უკვე არის ფარების ადგილობრივი წარმოება. ძალიან ვთხოვ ყველას, ფარი ვიხმაროთ სწორად. მარტო ფარი ვერ იცავს ვირუსისგან.
ის უნდა ვიხმაროთ ნიღაბთან ერთად. ფარი უნდა იყოს სახეზე ჩამოფარებული, ამიტომ ჰქვია მას ფარი. ის არ უნდა იყოს ქუდივით“,- აღნიშნა იმნაძემ.
- ბოლო მონაცემებით გამოჯანმრთელებულია 36 ადამიანი
- 28 მარტს გამკაცრდა საკარანტინო რეჟიმი სამეგრელოსა და ზემო სვანეთში.
- 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა
- 21 მარტს, პრეზიდენტმა საქართველოს მთელს ტერიტორიაზე საგანგებო მდგომარეობა გამოაცხადა.
- საქართველოს ყველა მოქალაქე, რომელიც ქვეყანაში შემოვა, საკარანტინო ზონაში მოთავსდება.
- მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა.
- შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.
- შეზღუდვები შეეხო კაფე-ბარებსა და რესტორნებს.
