ეს პროცესი დიდხანს არ გაგრძელდება, ჩვენ მივიღებთ გადაწყვეტილებას უკრაინაში ელჩის დაბრუნების შესახებ – ამბობს საგარეო საქმეთა მინისტრი დავით ზალკალიანი.
მისი თქმით, გუშინ პირადად ესაუბრა უკრაინელ კოლეგას და ვიცე-პრემიერს.
„საკმაოდ გულთბილი საუბარი გვქონდა. მოგვილოცა დამოუკიდებლობის დღე“, – აღნიშნა ზალკალიანმა.
მისივე თქმით, ორ ქვეყანას შორის სტრატეგიულ ურთიერთობებს საფრთხე არ ემუქრება.
„კიდევ ერთხელ ვიმეორებ რომ მათი გადაწყვეტილება [სააკაშვილის დანიშვნის შესახებ] იყო მცდარი, რადგან სტრატეგიული პარტნიორობა გულისხმობს სუვერენული უფლებების პატივისცემას, მართლმსაჯულების სისტემაც ამ სუვერენიტეტის ნაწილია. ახლა ის [სააკაშვილი] არის უკრაინის ოფიციალური პირი და დავაკვირდებით, რა განცხადებებს გააკეთებს საქართველოს შიდა საკითხებზე.
