საქართველოს პრემიერ მინისტრი გიორგი გახარია პარლამენტში მთავრობის მიერ COVID-19-ის ფარგლებში გატარებულ ღონისძიებებზე ანგარიშს წარადგენს.
პარლამენტის სხდომას ოპოზიციაც დაესწრება.
„ყველას გვესმის, რომ ქვეყანა 21 მარტიდან 23 მაისამდე ცხოვრობდა საგანგებო მდგომარეობის პირობებში.
საგანგებო მდგომარეობა ითვალისწინებს გარკვეულ დამატებით ანგარიშვალდებულებებს მთავრობის მხრიდან.
ჩვენ გვესმის, რომ საზოგადოებაში არის დაგროვილი გარკვეული შეკითხვები.
მთავრობის მოქმედების სხვადასხვა მიმართულებით. საბოლოო ჯამში, ეს საკითხები ეხება იმას, თუ როგორ მართავდა მთავრობა ქვეყანას ამ 2 თვის განმავლობაში“, – ამბობს პრემიერ-მინისტრი.
