Pfizer-ისა და AstraZeneca-ს ვაქცინა კორონავირუსის ინდური შტამის მიმართ ეფექტურია. ინფორმაციას ამის შესახებ BBC-ი ავრცელებს.
„საზოგადოებრივი ჯანდაცვა – ინგლისის“ მიერ ჩატარებული კვლევის მიხედვით, Pfizer-ისა და AstraZeneca-ს ვაქცინები ორივე, სრული დოზის მიღების შემდეგ, ინდური შტამისგან გამოწვეული სიმტომატური დაავადების მიმართ თანაბრად ეფექტურია.
ასევე, დადგინდა, რომ, პირველი დოზის მიღებიდან სამი კვირის შემდეგ აღნიშნული ვაქცინები ინდური შტამის მიმართ, 33%-ით ეფექტურია, ბრიტანულის შემთხვევაში კი 50%-ით.
Pfizer-მა ორივე დოზის მიღებიდან ორ კვირაში, ინდურ ვარიანტთან, 66%-იანი ეფექტი აჩვენა, ბრიტანულთან კი – 93%-იანი.
რაც შეეხება AstraZeneca-ს, ორივე დოზის მიღების შემდეგ ის ინდური ვარიანტის მიმართ, 60%-ით ეფექტურია, ბრიტანულის მიმართ კი – 66%-ით.
მეცნიერები აცხადებენ, რომ „ვაქცინის ორივე დოზის მიღება სასიცოცხლოდ მნიშვნელოვანია”.
