გამთენიისას თბილისში გოგი თოფაძის შვილიშვილი ლევან თოფაძე დაჭრეს. ის ხეჩინაშვილის კლინიკაშია მოთავსებული და მისი ჯანმრთელობის მდგომარეობა რთულია. ინფორმაციის გადასამოწმებლად „პრაიმტაიმი“ გოგი თოფაძეს დაუკავშირდა.
– ახლა მოვედით საავადმყოფოდან, მთელი ღამე იქ ვიყავით. ჩემი შვილიშვილი დილის ხუთ საათზე დაჭრეს. ის სახლში დაბრუნდა მეგობრებთან ერთად გამთენიისას, რა დროსაც მოვარდა მათი ერთ-ერთი ნაცნობი და დანით ოთხჯერ დაჭრა ჩემი შვილიშვილი.
ვინ იყო არ ვიცი. ჩემმა შვილიშვილმა და მისმა ამხანაგებმა თან მოიყვანეს ქალი, ის ერთ-ერთ ამხანაგს ახლდა.
ამ ქალის ნახვა უნდოდა იმ თავდამსხმელს, მაგრამ არ ნახა ამ გოგომ და ამას მოჰყვა დაჭრა.
– ამბობენ, რომ ზურაბ ჟვანიას ვაჟია?
– არ ვიცი გენაცვალე, ვერაფერს ვერ გეტყვი. მე იმას არ ვიცნობ, მაგრამ ითქვა თითქოს ზურაბ ჟვანიას შვილი დაესხა თავს ჩემს შვილიშვილს.
