ამერიკელი ანალიტიკოსი, პოლიტიკის ჟურნალისტი ტომ როგანი Washington Examiner-დან საქართველოში მიმდინარე მოვლენებს აფასებს და წერს, რომ ევროკავშირმა ოპოზიციისა და მმართველი პარტიის წარუმატებელი მოლაპარაკებებით მარცხი განიცადა, რითაც მხოლოდ პუტინი ხეირობს.
მისი შეფასებით, ერთადერთი რაც დანიელსონმა თბილისში ვიზიტით შეძლო, შენობის ირგვლივ მხოლოდ მისი სეირნობის ამსახველი ვიდეო კადრების გადაღებაა. ის ამერიკის სახელმწიფო მდივანს ენტონი ბლინკენს საქართველოში ჩასვლისკენ მოუწოდებს და ამბობს, რომ „პროდასავლელი ხალხის მისწრაფებებისთვის ეს მნიშვნელოვანი იქნება და პუტინის ნეკროზული გავლენის გაზრდას ხელს შეუშლის“
“ვლადიმერ პუტინისთვის მოულოდნელი გამარჯვებით, ადამიანის უფლებების, დემოკრატიისა და ევროკავშირის მარცხით, მოლაპარაკებების ჩაშლამ საქართველო პოლიტიკურ ჩიხში დატოვა. ევროკავშირის შუამავლობით გამართული ერთკვირიანი დისკუსიების შემდეგ, მმართველმა პარტიამ, ქართულმა ოცნებამ და ოპოზიციურმა პარტიებმა შეთანხმებას ვერ მიაღწიეს.
ევროკავშირის შუამავლობით მოლაპარაკებები, კრისტიან დანიელსონის ხელმძღვანელობით იმართებოდა, მაგრამ შეჯერება ვერ მოხერხდა. მთავრობამ უარი თქვა მელიას გათავისუფლებასა და ხელახალი არჩევნების დანიშვნაზე. ამის ნაცვლად, ერთადერთი, რაც ევროკავშირმა თბილისში შეძლო, არის დანიელსონის შენობის გარშემო სეირნობისას გადაღებული ვიდეოს შექმნა. ეს სერიოზული მარცხია ევროკავშირის სანდოობისთვის.
როგორც ევროკავშირის ერთ-ერთმა ოფიციალურმა პირმა Financial Times- ს განუცხადა, ამ კვირის დასაწყისში, ”თუ ჩვენ ვერ შევინარჩუნებთ მცირე ამიერკავკასიის ქვეყანას, რომელსაც სურს იყოს ჩვენს ორბიტაზე, მაშინ რა ჯანდაბა შეგვიძლია?”
შეერთებულ შტატებს აქვს მნიშვნელოვანი ეკონომიკური ბერკეტი, მათ შორის უშუალოდ ივანიშვილზე, რომელიც შეიძლება განხორციელდეს. სახელმწიფო მდივანმა ანტონი ბლინკენმა დაუყოვნებლივ უნდა ჩავიდეს თბილისში. მისი მხრიდან თუ ეს ვერ შესრულდება, პროდასავლური ხალხის მისწრაფებებს ძირი გამოეთხრება და პუტინის ნეკროზული გავლენა კიდევ უფრო გაიზრდება.” – წერს ანალიკტიკოსი.
