მათთვის, ვინც ჩემი პირადი ცხოვრებით არის დაინტერესებული – ასე იწყებს საზოგადოებისთვის მიმართვას საქართველოს მესამე პრეზიდენტი მიხეილ სააკაშვილი. ის აღნიშნავს, რომ ლიზა იასკოსთან ერთად რამდენიმე თვეა ცხოვრობს და ასევე, საზოგადოებას მოუწოდებს პატივი სცენ მისი ყოფილი მეუღლის, სანდრა რულოვსის პირად ცხოვრებასაც.
“ამ ეტაპზე იმაზე ბევრად უფრო მნიშვნელოვან ბრძოლაში ვარ ჩართული, ვიდრე ჩემი პირადი ცხოვრებაა. თუმცა, რადგანაც ჩემი ცხოვრების ეს ნაწილიც ინტერესის სფეროა და არაერთი კითხვა დაისვა ამ თემის გარშემო, მინდა გიპასუხოთ – ჩემი ყველა წარსული ურთიერთობა დასრულებულია.
მე და ლიზამ დიდი ხნის წინ დავუკავშირეთ ერთმანეთს ჩვენი ცხოვრება და უკვე მრავალი თვეა ერთად თანავცხოვრობთ, როგორც სრულფასოვანი პარტნიორები. ეს არის დიდი სიყვარულის ისტორია და თავს ბედნიერ ადამიანად ვგრძნობ.
მე ვთხოვ ხალხს პატივი სცენ ჩვენს პირად ცხოვრებას, ისევე როგორც სანდრას პირად ცხოვრებას, რომელსაც კეთილგანწყობით, პატივისცემით ვეპყრობი და მადლობელი ვარ მისი ერთად წარმოუდგენელი ცხოვრებისათვის.
ახლა სრულად ვარ კონცენტრირებული ჩემს ბრძოლაზე. ვაგრძელებ შიმშილობას და გადაწყვეტილი მაქვს ეს საქმე ბოლომდე მივიყვანო.” – წერს მიხეილ სააკაშვილი.
