“20 ივნისის ყველაზე მნიშვნელოვანი ნეგატიური გმირი დღეს მერობის კანდიდატად ოფიციალურად არის წარდგენილი და მინდა „მივულოცო“ ეს ქართული ოცნების დღევანდელ ბოსებს“,- ამის შესახებ პარტია “საქართველოსთვის“, თავმჯდომარე, გიორგი გახარია სოციალურ ქსელში წერს.

ექს პრემიერის თქმით, ამის მოხერხება მხოლოდ უსუსურ “ქართულ ოცნებას” შეეძლო.

“20 ივნისს სახელმწიფომ შეასრულა თავისი ფუნქცია, სახელმწიფოში დაიცვა ქვეყანაში წესრიგი. სხვათა შორის, ოცნების დღევანდელ „ბოსებს“ მინდა გავახსენო, რომ 20 ივნისს დავიცავით მათი დღევანდელი მდგომარეობა და მე მიუხედავად იმ დიდი გულის ტკივილისა, რომელიც თითოეულ საქართველოს მოქალაქეს და პირველ რიგში მე დამრჩა 20 ივნისის შემდგომ, როდესაც მართლა დაშავდნენ ადამიანები, ქართულმა ოცნებამ, თავისი უსუსურობით, მიაღწია იმას,რომ 20 ივნისის ყველაზე მნიშვნელოვანი ნეგატიური გმირი, რომელიც მოუწოდებდა პარლამენტის შტურმისკენ, დღეს მერობის კანდიდატად ოფიციალურად არის წარდგენილი და მინდა „მივულოცო“ ეს ქართული ოცნების დღევანდელ ბოსებს, როგორ მოახერხეს, რომ ადამიანი, რომელიც 20 ივნისს სახელმწიფო ინსტიტუტზე შტურმს ახორციელებდა და მოქალაქეებს, ახალგაზრდებს მოუწოდებდა პარლამენტში შეჭრისკენ, დღეს თბილისის მერობის ოფიციალური კანდიდატია – ამას მოხერხება სჭირდებოდა და ეს მხოლოდ უსუსურ ქართულ ოცნებას შეეძლო მოეხერხებინა”,- წერს გახარია სოციალურ ქსელში.

დაგაინტერესებთ: 

• „სცილდება თმენის ვალდებულებას“ – ლომჯარია პრემიერის არასრულწლოვანი შვილების უნებართვო გადაღებაზე

• ვირტუალური ქორწილები გადაიხადეთ, თაფლობის თვეში მთაში ადით, ბავშვები გააკეთეთ – გიორგი ფხაკაძე

• რა შეღავათები შეიძლება დაწესდეს აცრილებისთვის – ნახეთ ამირან გამყრელიძის რეკომენდაცია

• ჩემ შვილს, „სინოფარმით“ აცრიდან ერთ თვეში დაუდგინდა კოვიდი, სავარაუდოდ დელტა შტამი – ეკა გაბაშვილი მიმართვას ავრცელებს