მხოლოდ სიმდაბლესთან მოდის მადლი სულისა წმინდისა. არასოდეს არ უნდა დავეჭვდეთ უფლის სიყვარულსა და შეწევნაში, – ამის შესახებ საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა, შიომ სამების საკათედრო ტაძარში ქადაგებისას განაცხადა.
„ეშმაკების დამარცხება მხოლოდ მათთან შებრძოლებით, შეწინააღმდეგებით შეიძლება, რათა არ მივიღოთ ის, რასაც დემონები გვკარნახობენ. ეს ბრძოლა ღვთის გარეშე შეუძლებელია. ამიტომ, უნდა ვილოცოთ, რომ ღმერთი შეგვეწიოს. ამიტომ ამბობს უფალი, რომ მარხვითა და ლოცვით განვალს ნათესავი ესე“ – ბრძანა პატრიარქის მოსაყდრემ.
