სამოქალაქო აქტივისტი მანჩო გიორგობიანი საქართველოს პრეზიდენტის, სალომე ზურაბიშვილისა და რომის პაპის შეხვედრას ეხმაურება.
„მთავარი პრობლემა ნამდვილად არ არის დრეს-კოდის არცოდნა… ბევრად უფრო პრობლემატურია, პრეზიდენტს რომ დაინახავ შავებში შემოსილს რომის პაპთან, შავი თავსაბურავით.
და სანამ ერთ „პროსტინა“ დაცინვას გამოაცხობთ, მანამდე კი, ეჭვიც რომ არ გღრღნით , ტვინის ნაოჭიც რომ არ გიტოკდებათ ობიექტურად გაჩენილი კითხვისგან, რაიმე ლოგიკური მიზეზი ხომ არ არსებობს საამისოდ?!.
ზოგადად, გაუნათლებლობა დიდი პრობლემაა, მაგრამ ეტიკეტის არცოდნას კიდევ გადაიტანს ადამიანი, აი, გონებაჩლუნგობას რა ეშველება?“,- ამბობს მანჩო გიორგობიანი.
ცნობისთვის, სალომე ზურაბიშვილისა და რომის პაპის შეხვედრას სოციალურ ქსელში დიდი გამოხმაურება მოჰყვა. საზოგადოება პრეზიდენტის ჩაცმულობაზე ამახვილებდა ყურადღებას.
პრეზიდენტს რომის პაპთან შეხვედრისას პროტოკოლით გათვალისწინებული შავი ფერის სამოსი ეცვა.
