სომხეთი მიესალმება საქართველოს მზადყოფნას, დაეხმაროს სომხეთს კორონავირუსთან ბრძოლაში, – ამის შესახებ ქვეყნის პრემიერ-მინისტრმა, ნიკოლ ფაშინიანმა განაცხადა.
მისივე თქმით, საქართველო სომხეთისთვის მოძმე ქვეყანაა და ასეთი მზაობა ურთიერთობას კიდევ უფრო ათბობს.
„ეპიდემიის პირველივე დღიდან ჩვენ მჭიდროდ ვითანამშრომლეთ საქართველოს ხელისუფლებასთან, დაწყებული პრემიერ-მინისტრით, დამთავრებული სპეციალისტებით.
ჩვენს ურთიერთობებს კიდევ უფრო ათბობს, თუმცა იმედი გვაქვს, ამის საჭიროება არ იქნება. ორივე ქვეყანა მზად უნდა იყოს, ერთმანეთს დაეხმაროს.
2019 წელს, როდესაც საქართველოში იყო წითელას აფეთქება, სომხეთი საქართველოს 30 000 ვაქცინით დაეხმარა. ეპიდემია არის ჩვენი საერთო დღის წესრიგის საკითხი. ეს საერთო საფრთხეა“, – აღნიშნა ფაშინიანმა.
ბოლო 24 საათის განმავლობაში სომხეთში ახალი კორონავირუსით ინფიცირების 251 შემთხვევა გამოვლინდა, 7 ადამიანი კი გარდაიცვალა.
