ფონიჭალაში მომხდარი ავტოსაგზაო შემთხვევის დროს მძიმედ დაშავებული 7 წლის ბიჭი გარდაიცვალა. ამის შესახებ „ინფორუსთავი“ წერს.
მცირეწლოვანი კიდევ 4 დაშავებულთან ერთად სასწრაფომ სამედიცინო დაწესებულებაში გადაიყვანა, თუმცა მისი გადარჩენა, ვერ მოხერხდა.
შემთხვევის შედეგად ადგილზე გარდაიცვალა 25 წლის გოგო და მისი 4 წლის შვილიც.
შეგახსენებთ, ქვემო ფონიჭალაში მსუბუქი ავტომობილი ჯერ ბოძს, შემდეგ კი 7 ადამიანს დაეჯახა.
7-ვე ადამიანი ერთი ოჯახის წევრები იყვნენ და ისინი ქორწილიდან სახლში ბრუნდებოდნენ. ავტომობილში ჩასხდომის დროს კი მათ სხვა მანქანა დაეჯახათ, რის შედეგადაც 2 ადამიანი ადგილზე გარდაიცვალა, ერთი კი საავადმყოფოში. 4 დაშავებული სამედიცინო დაწესებულებაში შესაბამის მკურნალობას გადის.
