დაავადებათა კონტროლის ცენტრის ხელმძღვანელი, ამირან გამყრელიძე მოსახლეობას მადლობას უხდის იმისთვის, რომ მათ რეკომენდაციები დაიცვეს.
მისი თქმით, სოწრედ რეკომენდაციების დაცვამ გამოიწვია ის, რომ ბოლო კვირას მაქსიმუმ 10 ახალი შემთხვევა გვაქვს.
„წინა კვირას გვქონდა სამი ნახტომისებური ზრდა, მაგრამ იმის გამო, რომ უმრავლესობამ დაიცავით რეკომენდაციები, დღეს ზრდის მაჩვენებელი არ სცილდება 10 ახალ შემთხვევას“,- დაავადებათა კონტროლის ხელმძღვანელმა, ამირან გამყრელიძემ, მოსახლეობას დაცული რეკომენდაციების გამო მადლობა გადაუხადა.
მან კიდევ ერთხელ მოუწოდა მოსახლეობას, რომ დაიცვან რეკომენდაციები და სახლში დარჩნენ.
„გაგვიწიეთ ანგარიში ექიმებს, რომ ჩვენ დაცივცავთ თქვენი მშობლების, ბებიების და ბაბუების ჯანმრთელობა. თუ ამას დავიცავთ, დარწმუნებული იყავით, რომ საქართველო გამოვა ძალიან ნაკლები დაზიანებით“,- აღნიშნა მან.
ამ დროისთვის საქართველოში 408 ადამიანი ინფიცირებული.
მათ შორის გამოჯანმრთელდა 95 ადამიანი.
- საქართველოს მთავრობის გადაწყვეტილებით 17 აპრილის 12 საათიდან, 21 აპრილამდე საქართველოს მთელ ტერიტორიაზე მსუბუქი ავტომობილების გადაადგილება იკრძალება.
- დახურულ სივრცეში სავალდებულო გახდა პირბადის ტარება. წინააღმდეგ შემთხვევაში იურიდიული პირი 15 ატასი ლარით დაჯარიმდება.
- მთავრობასა და საპატრიარქოს შორის შეთანხმება შედგა. შეთანხმების მიხედვით, ეკლესიის კარები მორწმუნეთათვის არ დაიკეტება!
- ხელისუფლების მოწოდებაა დარჩით სახლში, არ დაარღვიოთ კანონი
- 15 აპრილიდან, საქართველოს ოთხი დიდი ქალაქი 10 დღით ჩაიკეტა.
- 28 მარტს გამკაცრდა საკარანტინო რეჟიმი სამეგრელოსა და ზემო სვანეთში.
- 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა
- დახურულია ყველა სავაჭრო ობიექტი, გარდა სურსათის მაღაზიებისა. დაკატილია აგრარული ბაზრები.
- საჯარო და კერძო სამსახურები გადავიდნენ დისტანციურ მუშაობაზე. შეჩერდა მუნიცილაური ტრანსპორტის მოძრაობა.
- კარანტინის წესის დამრღვევი ფიზიკური პირები 3 000 ლარით, იურიდიული პირები კი 15 000 ლარით დაჯარიმდებიან.
- შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.
- შეზღუდვები შეეხოკაფე-ბარებსა და რესტორნებს.
