საქართველოში კორონავირუსმა ოჯახები გაანადგურა, გარდაცვლილთა შორის დედა-შვილი, და-ძმა, ცოლ-ქმარი არიან. გავრცელებული ინფორმაციით, არცერთი მათგანი კოვიდ საწინააღმდეგო ვაქცინით აცრილი არ იყო.
გარდაცვლილი დედა-შვილი
კორონავირუსმა კიდევ ერთი ოჯახში დაატრიალა უდიდესი ტრაგედია, ბათუმში კორონავირუსს დედა-შვილი – 54 წლის ნონა ემირიძე და 31 წლის კობა ჯაშოიანი ემსხვერპლა…
ჯანმრთელობის მდგომარეობის გაუარესების გამო დედა 27 აგვისტოს გარდაიცვალა, 28 აგვისტოს კი კოვიდით მისი ვაჟიც დაიღუპა. ეს ინფორმაცია დღეს გახდა ცნობილი.
გარდაცვლილი ცოლ-ქმარი
კორინავირუსს ერთი ოჯახის ორი წევრი, ცოლ-ქმარი ემსხვერპლა. ისინი მედიცინის მუშაკები იყვნენ. ცნობილი რეპროდუქტოლოგი ბარბარე (დოდო) გორგოშიძე კოვიდთან ბრძოლაში დამარცხდა.
კორონავირუსმა შეიწირა მისი მეუღლეც, ოთარ დავითაშვილი, რომელიც სტუ-ს პროფესორი იყო. რამდენიმე საათიანი ინტერვალით დაშორდნენ მეუღლეები ერთმანეთს.
კიდევ ერთი გარდაცვლილი ცოლ-ქმარი
ცნობილი მოსამართლე მაია ოშხარელი კოვიდით გარდაიცვალა. ვირუსს ემსხვერპლა მისი მეუღლეც, ყოფილი პროკურორი 63 წლის ბადრი გოგლიძეც.
ოშხარელი ბოლოს მცხეთის რაიონული სასამართლოს მოსამართლე იყო და გიორგი შაქარაშვილის საქმის წინასასამართლო სხდომას უძღვებოდა. ის 58 წლის იყო. ეს სამწუხარო ფაქტი მიმდინარე წლის 26 აპრილს მოხდა.
გარდაცვლილი და-ძმა
რაც შეეხება, ვირუსით გარდაცვლილ დედმამიშვილებს, ოზურგეთის მუნიციპალიტეტის სოფელ ბახვში, კორონავირუსს ახალგაზრდა და-ძმის სიცოცხლე ემსხვერპლა.
ორივე ბათუმში, ერთ-ერთ კლინიკაში მკურნალობდა. და რომ გარდაიცვალა, მაშინ დაუდასტურდა ძმას, თუმცა, ორი დღე, დაკრძალვამდე, სახლში იყო და შემდეგ გადაიყვანეს ბათუმში.
