გიორგი კეკელიძე შატილში მომხდარ საზარელ ავარიას ეხმაურება. ეროვნული ბიბლიოთეკის დირექტორის განცხადებით, გლოვის დღე უნდა გამოცხადდეს.
„სიკვდილის გაშინაურება – ფატალური სიკვდილის. უმიზეზოსი და უცების. 12 ადამიანი. შეძრწუნებული ვარ. შარშან, თითქმის ამ დროს მომიხდა შატილში ასვლა ბიბლიოთეკის საქმეზე. ურთულესი გზაა – მით უფრო წვიმიანი.
გლოვის დღე უნდა გამოცხადდეს. გლოვის და მერე დაფიქრების დღეები გვმართებს. ბევრი მხრივ.
ჩემი სამძიმარი სრულიად საქართველოს“, – წერს კეკელიძე.
შეგახსენებთ, შატილის გზაზე მგზავრებით სავსე მიკროავტობუსი დაახლოებით 80 მეტრის სიმაღლიდან გადავარდა. შედეგად გარდაიცვალა 12, ხოლო მძიმედ დაშავდა 3 ადამიანი.
ადგილზე სამაშველო ოპერაცია გრძელდება და მაშველები სხვა შესაძლო მგზავრებს ეძებენ. შესაბამისად, არ არის გამორიცხული დაშავებულთა, ან გარდაცვლილთა რაოდენობა გაიზარდოს.
