პრემიერ-მინისტრი, ირაკლი ღარიბაშვილი, ტოკიოს ოლიმპიადაზე გენო პეტრიაშვილის ასპარეზობას სოციალურ ქსელში ეხმაურება:
„გული არ გაიტეხო, გენო! მომავალი, კიდევ უფრო დიდი წარმატებები წინ გაქვს! ჩვენ ყველანი ვამაყობთ შენით, დიდი მადლობა კიდევ ერთი მედლისთვის, რომელიც ჩვენს ქვეყანას მოუტანე“,- წერს ირაკლი ღარიბაშვილი.
გენო პეტრიაშვილმა ფინალამდე ირანელი მეტოქე დაამარცხა. ნახევარფინალამდე მან ასევე დაამარცხა ჩინელი და ეგვიპტელი სპორტსმენი.
ამ დროისთვის საქართველოს ოლიმპიური ნაკრების ანგარიშზე 8 მედალია. 2 ოქრო, 5 ვერცხლი და 1 ბრინჯაო.
