ჰონგ კონგში კორონავირუსის საფრთხის გამო, სკოლებში სასწავლო პროცესის განახლება 16 მარტამდე გადაიდო, – ამის შესახებ განათლების მდივანმა, კევინ იეუნმა განაცხადა.
მანამდე, ჰონგ კონგის ხელისუფლება სასწავლო პროცესის 2 მარტს განახლებას გეგმავდა.
ჰონგ კონგში კორონავირუსით ერთი ადამიანია გარდაცვლილი, დაფიქსირებულია დაავადების 50 შემთხვევა.
სასწავლო პროცესი შეწყვეტილია ჩინეთში, სადაც კორონავირუსით გარდაცვლილთა რიცხვმა 1310-ს მიაღწია.
