ამ საკითხზე განსხვავებული გადაწყვეტილება მიღებული არ ყოფილა, თუ რაიმე შეიცვალა შეგატყობინებთ – განაცხადა ჯანდაცვის მინისტრის მოადგილემ, თამარ გაბუნიამ კითხვის პასუხად – იგეგმება თუ არა სკოლებსა და ბაღებში სწავლის კიდევ გადადება?
მინისტრის მოადგილის ინფორმაციით, ამ ეტაპზე არსებული გადაწყვეტილება რჩება ძალაში.
ანუ, დღეის მდგომარეობით, პირველ ოქტომბერს სკოლები და ბაღები სწავლას დაიწყებენ საკლასო ოთახებში, ხოლო კოვიდინფექციის რომელიმე საგანმანათლებლო დაწესებულებაში გამოვლენის შემთხვევაში, მოხდება ლოკალური რეაგირება და იმ კონკრეტულ სკოლაში სასწავლო პროცესი შეწყდება.
