ზოოპარკის დირექტორი, ზურაბ გურიელიძე აცხადებს, რომ ზოოპარკში 13 ივნისის სტიქიიდან 5 წლის შემდეგ ბევრი რამ შეიცვალა:
„13 ივნისის ტრაგედიის შემდეგ ზოოპარკის მიმართ დამოკიდებულება შეიცვალა. ამ მოვლენების შემდეგ ზოოპარკისთვის ახალი ცხოველები ჩამოვიყვანეთ.
დამოკიდებულება შეიცვალა უკეთესობისაკან. ვგულისხმობ ზოოპარკების საერთაშორისო თანასაზოგადოების დამოკიდებულებას.
ფაქტობრივად, ევროპისა და ამერიკის ზოოპარკების ბევრი თანამშრომელი ჩამოვიდა. ამან გამოიწვია ის, რომ უფრო პოზიტიურად დაიწყეს ჩვენი განხილვა ვიდრე მანამდე“, – განმარტა გურიელიძემ „ტვ პირველთან“ საუბრისას.
გურიელიძე ასევე ამბობს, რომ 13 ივნისის სიმბოლოს, ჰიპოპოტამ ბეგის ახალი ვოლიერი ექნება.
„ასევე იმედი გვაქვს, რომ ბეგის მეგობრებს ჩამოვუყვანთ და მარტო არ იქნება. მან ეს დაიმსახურა.
ასეთ პოპულარულ ბეჰემოთს სჭირდება თანადგომა. ბეგი პოპულარულია და მსოფლიოში ცნობილი „პიროვნება“ გახლავთ“, – აღნიშნა გურიელიძემ.
შეგახსენებთ, დღეს 13 ივნისის სტიქიიდან 5 წელი გავიდა.
