ინფექციურ საავადმყოფოს დღეს კიდევ ერთი გამოჯანმრთელებული დატოვებს. ამის შესახებ ინფექციური საავადმყოფოს სამედიცინო დირექტორმა ჟურნალისტებთან საუბრისას განაცხადა.
როგორც მან აღნიშნა, პაციენტის კლინიკური მონაცემები გადამოწმდება, რის შემდეგაც იგი ცენტრს დატოვებს.
„გამოჯანმრთელებული პირებიდან ჩვენს ცენტრს კიდევ დაემატა ორი. ერთმა უკვე დატოვა ჩვენი ცენტრი. მეთორმეტე პაციენტის მდგომაროება უნდა შეფასდეს, ვირუსმა განიცადა ელიმინაცია, მაგრამ აუცილებელია გადამოწმდეს პაციენტის სხვა კლინიკური მონაცემებიც და ეს პაციენტიც დატოვებს ცენტრს. მე როგორც ვიცი, კიდევ ერთი გამოჯანმრთელებული არის საჩხერის საავადმყოფოდან. ასე რომ შეგვიძლია ვთქვათ, რომ 81-დან ამ დროისთვის 13 გამოჯანმრთელებული გვყავს“,- განაცხადა ეზუგბაიამ.
დღეს ცნობილი გახდა, რომ გამოჯანმრთელებულების რაოდენობა 13-მდე გაიზარდა.
მიმდინარე მოვლენების ინფორმაცია მოკლედ:
- 27 მარტის მონაცემებით, საქართველოში კორონავირუსის შემთხვევა 81-მდე გაიზარდა.
- 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა
- 21 მარტს, პრეზიდენტმა საქართველოს მთელ ტერიტორიაზე საგანგებო მდგომარეობა გამოაცხადა.
- მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა.
- შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.
- შეზღუდვები შეეხო კაფე-ბარებსა და რესტორნებს.
- საქართველოს ყველა მოქალაქე, რომელიც ქვეყანაში შემოვა, საკარანტინო ზონაში მოთავსდება.
- ყველა მეზობელ ქვეყანასთან მოქალაქეთა მიმოსვლა შეზღუდულია, ასევე, 2 კვირით საზღვარი დაკეტილია უცხო ქვეყნების მოქალაქისთვის.
- პრემიერ-მინისტრმა სახელმწიფო და კერძო დაწესებულებისთვის დისტანციურ რეჟიმში მუშაობის რეკომენდაცია გასცა.
წაიკითხეთ და გაითვალისწინეთ საჭირო რეკომენდაციები
გადაწყვეტილება, რომელიც საგანგებო რეჟიმს დროს მოქმედებს
