00:20 | 2021-12-05 ავტორი: Prime Time

ინფორმაცია მათთვის, ვისაც ღამის კლუბებში გართობა გიყვართ

ინფორმაცია მათთვის, ვისაც ღამის კლუბებში გართობა გიყვართ

შრომის ინსპექცია ღამის კლუბებთან დაკავშირებით განცხადებას ავრცელებს. შრომის ინსპექცია მოუწოდებს ღამის კლუბებს, არ განახორციელონ აკრძალული საქმიანობები, წინააღმდეგ შემთხვევაში, ობიექტების მიმართ გამოყენებული იქნება შესაბამისი ადმინისტრაციული სახდელი, ჯარიმისა თუ დალუქვის სახით.

 

 

მოკლული დედასთან, სამსახურში იყო მისული - სანზონაში მომხდარი მკვლელობის ახალი დეტალები
2021-12-04მოკლული დედასთან, სამსახურში იყო მისული - სანზონაში მომხდარი მკვლელობის ახალი დეტალები

 

„მას შემდგომ, რაც პირველი დეკემბრიდან საქართველოში ამოქმედდა მწვანე პასპორტის კონცეფცია, შრომის ინსპექციამ აქტიურად დაიწყო შეხვედრები სხვადასხვა ბიზნეს სექტორის წარმომადგენლებთან. მათ შორის, ღამის კლუბების ასოციაციასთან (საქართველოს კულტურისა და შემოქმედების ინდუსტრიების ერთობა / act4culture), რომლის დროსაც განხილულ იქნა საქმიანობის უსაფრთხო და მდგრადი აღდგენის საკითხები. შეხვედრაზე მიღწეულ იქნა შეთანხმება, რომ უახლოეს პერიოდში სექტორი განაახლებს ფუნქციონირებას, რისთვისაც მწვანე პასპორტებთან ერთად შრომის ინსპექცია სხვა კომპეტენტური უწყებების ჩართულობით შეიმუშავებს უსაფრთხოდ ფუნქციონირების პროტოკოლს, რომელიც უზრუნველყოფს მსგავსი ტიპის ივენთებზე მომხმარებელთა მაქსიმალურ დაცვას.

 

აღნიშნული ინფორმაცია ჩვენი მხრიდან აქტიურად მიეწოდა სექტორში რეგისტრირებულ სხვადასხვა ბიზნეს სუბიექტს. მიუხედავად ამისა, ზოგიერთი მათგანი, რეგულაციების გვერდის ავლით, კვლავ განაგრძობს არანებადართული ივენთების ორგანიზებას, რომლის შედეგადაც მნიშვნელოვნად უარესდება ქვეყანაში არსებულ ეპიდ-ვითარებას.

 

სექტორული რეკომენდაციის/პროტოკოლის დამტკიცების შემდგომ უახლოეს პერიოდში დაგეგმილია სექტორის ფუნქციონირების განახლება”, – აღნიშნულია განცხადებაში.

 

ცნობისთვის, დღეს შრომის ინსპექციამ კლუბი „ხიდი“ 10 000 ლარით დააჯარიმა და დალუქა.

 

 

ასევე დაგაინტერესებთ:

 

 

 

 

 

ავტორი: Prime Time

X