„გირჩის“ ლიდერი, ვახტანგ მეგრელიშვილი საკუთარ ისტორიას იხსენებს, როდესაც ქირურგიაში მოუწია მუშაობა. მას თავდაპირველად სხვა პროფესია ჰქონდა, თუმცა შემდეგ შეიცვალა.
მეგრელიშვილი გადაცემა „ფარულ კონვერტში“ ყვება, რომ მას სასწავლებლად წასვლა ამერიკაშიც უნდოდა, თუმცა კონსულმა ვიზა არ ჩაურტყა, რის გამოც ამ პროფესიას თავი დაანება.
„აღმოვჩნდი საავადმყოფოში. მაშინ საქმე იყო მხოლოდ ქირურგიულ განყოფილებაში. ექიმებიც თითქმის არ დადიოდნენ სამსახურში. ერთადერთი ფუნქციონირებდა ქირურგია. პირველი კურაციაც სწორედ მქონდა ქირურგიაში. მთელი ჯგუფიდან მხოლოდ მე მივედი და იმ განყოფილებიდან შემდეგ უკვე აღარ წამოვსულვარ.
არანაირი ხელფასები არ არსებობდა, მთ შორის მასალები არ არსებობდა სამედიცინო. პაციენტებს ვუწერდით სიას რა უნდა ამოეტანათ, რომ პაციენტისთვის ოპერაცია გაგვეკეთებინა.
ეს ის პერიოდი იყო, როცა დავინახე, რომ იმ კატასტროფის გამო, რაც საქართველოში ხდებოდა, ის ადამიანები იღუპებოდნენ, რომლებიც არ უნდა დაღუპულიყვნენ“,- ამბობს ვახტანგ მეგრელიშვილი.
ასევე დაგაინტერესებთ ⇓
