„ჩვენ რეალობაში ვართ, ისინი სხვა პლანეტაზე,- ასე ეხმიანება „პატრიოტთა ალიანსის“ ერთ-ერთი ლიდერი ირმა ინაშვილი, „ლეიბორისტების ოფისში“ დაწყებულ ოპოზიციური პარტიების კონსულტაციებს.
„ჩვენ ცალსახად და მკაფიოდ არ ვმონაწილეობთ ამ ფორმატში. ამ პარტიების შეხვედრებში და ეს ბევრჯერ მითქვამს. ის არის სულ სხვა პლანეტა და ჩვენ სულ სხვა პოლიტიკური ძალა ვართ.
დაგაინტერესებთ:
ჩვენ ვართ ის ხალხი, რომლებიც იმ გაერთიანებაში მონაწილე არაერთ პოლიტიკურ პერსონასთან მიმართებით, ვითხოვდით და დღესაც ვითხოვთ, რომ დაიწყოს გამოძიება.
ეს საქმეები ბოლომდე უნდა მივიდეს. ჩვენ რეალობაში ვართ, ისინი სხვა პლანეტაზე არიან“, – განაცხადა ინაშვილმა.
შეგახსენებთ, ოპოზიციურ პარტიებს შორის დღეიდან, 13 მაისიდან კონსულტაციები განახლდა.
