„ძალა ერთობაშია-გაერთიანებული ოპოზიციის“ წევრი, გუბაზ სანიკიძე ამბობს, რომ სრულად დაემორჩილება ენმ-ს გადაწყვეტილებას.
„ჩემთვის ყველაზე მნიშვნელოვანია, პოზიცია იყოს ერთიანი და აზრთა სხვადასხვაობას განხეთქილება არ მოჰყვეს. გარეთ დარჩენას გადაწყვიტავს, გარეთ დავრჩები, შიგნით შესვლას გადაწყვიტავს შიგნით შევყვები, რა თქმა უნდა“,- განაცხადა გუბაზ სანიკიძემ.
აქვე შეგახსენებთ, გუბაზ სანიკიძის ცნობილ გამონათქვამს, რომელიც პოლიტიკოსმა რამდენიმე თვის წინ გააკეთა.
„ისე არ აღმოჩნდეს, რომ სხვები შევიდნენ და მე გარეთ დავრჩე იმიტომ, რომ მე შესვლას არც ერთ ვარიანტში არ ვაპირებ“, – განაცხადა 2020 წლის ნოემბერში „პალიტრანიუსის“ ეთერში სანიკიძემ.
პარტია „ერთიანი ნაციონალური მოძრაობა“ პარლამენტში შედის. ამის შესახებ გადაწყვეტილება პარტიამ პოლიტსაბჭოს დღევანდელ სხდომაზე მიიღო.
