„დღეს, როცა საარჩევნო მარათონი ჩვენი პოლიტიკური გუნდის გამარჯვებით დასრულდა, იწყება ახალი მარათონი, მნიშვნელოვანი რეფორმებისა და ინიციატივების“ – ამის შესახებ „ქართული ოცნების“ დეპუტატმა, ნინო წილოსანი პარლამენტის სესიის პლენარული სხდომაზე სიტყვით გამოსვლისას განაცხადა.
„დღეს, როცა საარჩევნო მარათონი ჩვენი პოლიტიკური გუნდის გამარჯვებით დასრულდა, იწყება ახალი მარათონი, მნიშვნელოვანი რეფორმებისა და ინიციატივების.
წლების განმავლობაში ჩვენს მიერ მტკიცედ დაცული ღირებულებები და პრინციპები ჰუმანური პოლიტიკის წარმოების და სტაბილური განვითარების, მშვიდობიანი საგარეო პოლიტიკის, გენდერული თანასწორობის, სოციალური პასუხისმგებლობის და ბევრი სხვა, ახლა ახალ ეტაპზე გადაყვანას საჭიროებს“, – განაცხადა ნინო წილოსანმა.
