ახალი კორონავირუსის პირველი შემთხვევა კახეთში დადასტურდა. არსებული ინფორმაციით, ვირუსი საერთაშორისო გადაზიდვების მძღოლს აღმოაჩნდა, რომელიც რუსეთიდან ჩამოვიდა და თვითიზოლაციაში იმყოფებოდა.
საქართველოში კორონავირუსით კიდევ 26 ადამიანი დაინფიცირდა, 5 კი გამოჯანმრთელდა.
საერთო ჯამში ქვეყანაში კორონავირუსი 783 ადამიანს დაუდასტურდა, აქედან 605 უკვე გამოჯანმრთელდა. საქართველოში კორონავირუსით გარდაიცვალა 12 ადამიანი.
შეგახსენებთ, კახეთი რამდენიმე თვის განმავლობაში „მწვანე ზონის“ სტატუსს ინარჩუნებდა.
ავტორი: ხათუნა გულიაშვილი
