თელავში, კორონავირუსით, ცნობილი პედიატრი, ივანე ამბარდანიშვილი გარდაიცვალა.
Covid-19-ით ინფიცირებული ექიმი, თელავის ცენტრალურ საავადმყოფოში მკურნალობდა.
ჯანმრთელობის მდგომარეობის გაუარესების გამო, მოგვიანებით, ის თბილისის ერთ-ერთ სპეციალიზებულ კლინიკაში გადაიყვანეს.
ექიმების ინფორმაციით, 80 წლამდე ასაკის მედიკოსს, რთული თანმხლები დაავადებები აღენიშნებოდა, რის გამოც, მისი გადარჩენა ვერ მოხერხდა.
ივანე ამბარდანიშვილი სხვადასხვა დროს, საქართველოს რამდენიმე სამედიცინო დაწესებულებაში მუშაობდა.
70-იან წლებში, ის ჩეჩნეთის რესპუბლიკის წამყვანი კლინიკების ექიმი იყო და ბავშვთა მკურნალობის მის მიერ შემუშავებული მეთოდები, სხვადასხვა საავადმყოფოებში, წარმატებით ინერგებოდა.
სიცოცხლის ბოლო წლებამდე, ივანე ამბარდანიშვილი, თელავის ცენტრალური საავადმყოფოს რეანიმატოლოგი იყო.
ავტორი: ხათუნა გულიაშვილი
